22 March 2024: Vawiin khan MZP Hqrs Lunglei hruaituten MPSC Chairman an hmu.
MZP Hqrs Lunglei hruaitute chuan MPSC-in Lunglei-a MCS Combined Competitive Exam Prelims leh Mains a buatsaih chu lawmawm a ti hle a. He exam centre awm avang hian Mizoram Chhim lama competitive exam hmachhawn tumte tan awlsam zawka exam an hmachhawn theih phah a, exam centre hi chhunzawm zel anih theih nan MPSC Chairman hnenah hian thu an thlen a ni.
MPSC Chairman chuan Mains exam chu tun dinhmunah chhunzawm zel anih tur thu leh Chhim lama thalai hna zawng mekte tan awlsam zawka an exam zel theih nan MCS exam chauh lo pawh exam hrang hrang zinga pawimawh zualte pawh Lunglei-a exam centre-ah hian an buatsaih zel tur thu a hrilh a ni.
MZP Hqrs Lunglei chuan exam centre buatsaih chhunzawm zel tur a ni chu lawmawm a ti hle a. Hetianga exam centre hnaivai taka awm theih takah chuan Chhim lam atangin competitive exam pawh tum dang aia an tam a beisei tlat a. Zirlaite pawh a tam thei ang ber exam hmachhawn turin MZP chuan a ngen a ni.
