16 Nov 2024: Tukin khan Pi Lalrinpuii Social Welfare Minister chuan Lunglei Super Market (Sobji Bazar) Building sak mek a tlawh a, Party hruaitute, LMC hruaitute, Pi R.Lalrodingi, Tourism Director leh MJA member-ten an tawiawm.
Minister Pi Rinpuii chuan Lungleiin Super Market changtlung tak a mamawh thu sawiin, ruahmanna chak taka kalpui a ni chu lawmawm a ti a, thawktute chungah lawm thu sawiin, a tha thei ang bera hma la a, ro tling ngei tura sa turin a enkawltute a sawm a ni.
Tourism Director Pi R.Lalrodingi chuan Building chung ber Open Space-a dah an tum thu sawiin, chu chu eng emaw tihpui nikhuaa hman atan a pawimawh dawn nia a hriat thu a sawi a, Super Market sak nan hian NEC Fund Vaibelchhe 14.03 sen a nih tur thu a sawi. R.Lalrodingi chuan Super Market chu chhawng li anih tur leh lirthei 110 vel park theih tura ruahman a ni a, stall 600 chuang awm tura ruahman a nih thu a sawi. Floor tinah Ramp siam vek a ni tih sawiin, taksa lama harsatna neite tan pawh a chhenfakawm dawn tih a sawi a, nakum 2025 Sept thla hi sak zawh hun tura ruahman a nih thu a sawi bawk.
