Vawiin (15.03.2024) khan MZP Headquarters, Lunglei chuan Marpara ‘S’-ah Zofate Chawlhbuk an sa.
MZP Executive meeting-in alo rel tawh angin Marapara S-ah Zofate Chawlhbuk sak a ni a. Lunglei atangin President Lalpeksanga Chenkual hovin an kal a, Sub-Hqrs Bunghmun hruaituten an tawiawm bawk.
President chuan, Chawlhbuk an sak chhan chu khawvelah mihring chengte chu kan pung ve zel a, hmasawnna hrang hrang avang leh khawsak duh dan azirin kan nunphung a danglam ve zel a. Mihring pung chho zel mahse kan chenna leilung erawh a pun belh ve si lo va. Chumi avang chuan kan ram chhung ngeiah hnamdang an pung chakin an ram luah chin an zauh ve zel niin alang a. Kan ram dinhmun leh kan tu leh fate awm zel tur thlir chunga Marpara hmuna Chawlhbuk sa an nih thu a sawi.
Chawlhbuk sak hi a bul tanna a ni a, nakinah building puitling leh tha zawka sak chhunzawm an tum thu a sawi bawk.
Zofate chawlhbuk sakna tura Marapara V.C te leh YCA hruaitute tawiawmnaah MZP chuan lawmawm a ti a. Tu emaw kuthlei avanga chawlhbuk a hmelhem palh anih chuan hnam leh hnam inkarah inhmelmakna a thlen theih avangin a venhim kawngah YCA-te theihtawp chhuahpui turin a ngen bawk.
