07 June 2024: Mizoram Sorkar chuan nimin khan Mizoram hmun hrang hranga doctor post ruak hnawhkhahna leh indaihlohna phuhruk nan National Health Mission (NHM) hnuaiah Doctor 32 an la thar.
He hmalakna hi Mizoram sorkar chuan tun dinhmuna Mizoram a doctor indaihlohna nasa taka an phuhruk theih an beisei a. Heng doctor lak tharte hi tun thla ni 5-a ZMC atanga graduate te niin tun thla ni 14 ral hmain Mission Director, National Health Mission (NHM)-ah joining report pe tura hriattir nghal an ni a. Heng Doctor lak tharte hian tun thla ni 18 atanga ni 28 chhung hian Aizawlah Orientation training an nei nghal dawn a ni.
Heng doctor lak tharte hi Mizoram hmun hrang hranga PHC, UPHC, CHC leh UHWC-ah te an thawk dawn a ni. (AIR)
