22 November 2023: Nithum chhung awh tur Florist Association Lunglei buatsaih Florist Fair chu vawiin chawhma dar 11:00 khan Pu B.Lalzarzova, District Horticulture Officer Lunglei chuan Childrens Park, Chanmari Lungleiah a hawng.
Florist Fair hawnna inkhawm Pi C.Lalthankhumi, President, Florist Association Lunglei kaihhruaiah Show hawngtu DHO Pu B.Lalzarzova chuan Pangpar chu a mawi satliah mai ni lovin tunlai khawvelah eizawnna pawimawh tak a ni tiin, Biak in, chhiatni thatni leh milian pek atan te kan mamawh a, lei ngai vek a ni tiin buaipui tak tak tlak a ni, a ti. Florist Association Lungleiten mipuite tihlim tura Florist Fair an buatsaih chu lawmawm a tih thu sawiin, mipuiten an chhawr tangkai ngei a beisei tih a sawi.
Florist Fair-ah hian pangpar hmanga eizawngtu mi 30 chuangin an pangpar khawi leh a khawina hmanrua te phochhuakin; man tlawm zawkin an hralh chhuak a ni.
