October 2025 chhungin thubuai 19 ziaklut; Nuai 6 chuang hu zu/heroin an man

Lunglei Police-te chuan October 2025 chhung khan pawi khawihna hrang hrangah thubuai 19 ziaklutin thubuai kaihhnawihah mi 26 an man.

Hei bakah hian Lunglei Traffic Police-te’n October 2025 chhunga lirthei khalhtu dan bawhchhiate hnen atanga sum an chawi tir zat chu Rs 1,82,700 a ni a, dan bawhchhia sum an chawi tirte  hi HMV 22 atangin Rs 37,000, MMV 16 atangin Rs 31,800, LMV – 28 atangin Rs 35,200, Three Wheeler – 28 atangin Rs 30,700, Two Whèeler – 50 atangin Rs 48,000 chawi tir an ni. Dan bawhchhia te hi a tam ber chu Document fel lo/ License nei lo va lirthei khalhte an nih bakah lirthei dah phal lohna hmuna dahte leh Helmet khum phal loh khumte an ni.

Lunglei Police te’n October thla liamta chhung khan Rakzu litre 406, tualchhung hralhna rate a Rs 2,03,000 man hu, Heroin No 4 Gram 139.08 tualchhung hralhna anga Rs 4,17,600 man hu, an man bawk a ni.