09 Sept 2025: Vawiin chhun khan Chief Minister Pu Lalduhoma kaihhruaiin CM Conference Hall-ah September ni 13-a lehlanga lo zin tur Prime Minister Pu Narendra Modi lo hmuah dan tur leh Lammuala vantlang inkhawm buatsaih dan tur ruahmanna an thlirho.
Chief Secretary Pu Khilli Ram Meena chuan September ni 6-a meeting an lo neih tawh dan leh ruahmanna an lo siamte chipchiar takin a sawi a, mawhphurhna hrang hrang neituten an inbuatsaihnate an sawifiah bawk.
Prime Minister hi ni September ni 13-ah lehlangin a lo kal dawn a, a puala vantlang inkhawm hi Aizawl lammual-ah buatsaih a ni ang. Bairabi – Sairang Rel kawng a hawng ang a, Rel service thar pathum: Aizawl – Delhi Rajdhani Service (Anand Vihar Terminal), Aizawl – Kolkata Express leh Aizawl – Guwahati Express te a vailiam (flag off) ang.
Hemi bakah zirna in (institution) thar pahnih a hawng ang a, hmalakna thar paruk lungphum a phum bawk ang. (DIPR)
