06 Sept 2024: Vawiin chawhma lam dar 10:00 khan Lunglei Police Station-a Cyber Cell te hmalaknaa Mobile phone bo leh ruk zawnchhuah hna ngawrh taka chhui hnua hmuh let leh; Rs.4,58,500/- man hu Mobile Phone 17-te chu a neitu dik takte hnena hlan letna hun hman a ni.
He hun hi Pu Zarzokima MPS, SDPO Lunglei leh Pu PC.Lalchuangliana OC Lunglei-ten hmanpuiin; Police officer-te leh mobile phone neitute an tel a ni. Pu Zarzokima MPS,SDPO Lunglei chuan Lunglei Police Station-a Cyber Cell-te thawhrimna avanga hetiang zat mobile phone bo hmuhlet leh a ni hi fak tlak an nih thu a sawi a. Mobile phone bo hi a ti botute tan uihawm tak a ni a, chuvangin Lunglei Police-te chuan te lua awm lovin, mobile phone tibo report awm tawh phawt chu a tam thei ang ber theihtawpin chhuichhuah sak zel an tum a ni, a ti.
Lunglei Police te hian Mobile bo leh rukte hi Technology hmanga chhuiin vawiin ni thlengin mi 71-te hnenah Rs.18,86,000/- man hu mobile phone an lo hmuhlet sak tawh a, a neitute hnenah hlan let vek an ni tawh a; hemi kaihhnawiha diklo taka lo leitute pawh case siamsak an ni bawk.
