18 March 2024: Ruallung khua chuan tun hnaia an khaw naupang Lalfakzuala (Faktea) thih danah thil fel lo a awm niin an hria a, vawiin khan an khuaah kawng an zawh.
Tunhnaia LRM Hospital Aizawla Ruallung khaw naupang thih chungchangah Ruallung Village Council-te leh Tlawmngai pawl hrang hrang intelkhawmte chuan a thih chhan ni a damdawiin lamin an sawi chu pawm har an tih thu leh an beisei ang hmalakna an hmulo anih chuan a tul anga hmalak zel an tum thu an sawi.
Ruallung Village Council-te leh Tlawmngai pawl hrang hrang intelkhawmte chuan thuchhuah siamin, an khaw naupang Lalfakzuala (12) S/o Pu T. Lalchhuanmawia, Ruallung khua tunhnaia LRM Hospital-a a thih dan chungchang an tarlang a. Natna dang neilo, Tonsil zai ngai anih thu leh an zai atanga darkar chanve hnuah a buai tak thu te, ICU a an dah hnu reiloteah a thih thu a chhungte an hrilh thu leh damdawiin lamin a thihchhan, Malignant Hyperthermia ni a an sawi chu pawm har an tih thu an tarlang a. Enliam mai mai an tumloh thu leh a tul anga hmalak zel an tum thu an sawi a ni.
Faktea thihna ang chu midang chunga thleng ve lo tura an duh bakah tun hnu zelah rah tha chhuah zawk se an duh thu an sawi bawk.
