National Legal Services Authority-in ram puma National Lok Adalat hman tura a tih angin Sept ni 9, 2023 khan Lunglei District Legal Services buatsaihin National Lok Adalat hi District Court Building-ah hman a ni a. Lunglei District chhunga Court la thlenpui loh thubuai hrang hrang 71 bakah Bank-a sum puk inthinna case 26 ngaihtuah a ni.
Lok Adalat-a thubuai ngaihtuah tur hian Bench pahnih din a ni a. Bench-I hi Pi Lalrinpuii, Chief Judicial Magistrate, Lunglei leh DLSA Member Secretary ni bawkin a kaihruai a; Bench-II hi Pi JH.Lalparmawii, Judicial Magistrate First Class-in a kaihruai thung a ni.
Thubuai thehluh case 97 atangin case 28 sawirem pui niin, tihfel a ni.
Sept ni 9 a thubuai ngaihtuahah hian leiba inthinna tam berin, Rs 15,97,238/- chuang chinfel a ni.
Lok Adalat-ah hian thubuai neitute duhdan angin inremna ziahpui thin a ni a, sum sèn ngai lovin thubuai hi chinfel sak thin a ni.
