Total bandh neih turah Duty Commander leh Deputy Commander te kokhawm

28 Oct 2025: Vawiin chawhnu dar 1:00 khan Mizo Hnam Run Lungleiah naktuk 29.10.2029 Nilaini zing dar 6:00 – 4:00pm inkara total bandh neih tur chungchangah Duty post tina Duty Commander leh Deputy Commander te koh khawm an ni.

Meeting kaihhruaitu Pu Vanlalhmuaka President MNF Sub Headquarters Lunglei chuan duty tur zawng zawngte hnenah thuchahin, duty zawng zawngte zaidam tak, fimkhur tak leh huaisen taka awm turin a chah a. Mizoram leh hnam tana hna thawk tur kan nih avangin tawngkam hman fimkhur tur te, dam loh harsatna tuar thutte an lo awm anih chuan hriat thiamna nei turte in a sawm a. Bandh call off a ni emaw, dar 4:00 thleng kan duty a ni emaw, a tawp kharna inkhawm, Mizo Hnam Run a neih a nih dawn avangin duty zawng zawngte Hnam Run pan vek turin a sawm a ni.

General Secretary pahnih Pu Vanlalpeka Ngente leh Pu PC.Lalramnghaka ten total bandh neih hun a tul pawimawh kawng hrang hrangte an sawi a, Total bandh thlawptu Association hrang hrangte tarlanna leh duty ve turte tarlanna an nei. Total bandh-in a huap loh hrang hrangte bakah permission dil, phalna pek tawh engemawzat awmte tarlan a ni bawk.

Naktuk a total bandh neih turah hian MNF Sub Headquarters Lunglei hruaitute chuan mipuite thlawpna an ngen tih sawiin, kan ram, kan hnam a ral chuan kei pawh zuah ka ni bik dawn lo tih hriain political party hmalakna satliah a ni lo tih vawng tlat ang u, an ti.