Vairengte ILP checkgate aṭanga ILP pekchhuah zat a tla hniam hle

AIRNewsAizawl 18 Aug 2026 : Kumin chhungin Vairengte a Inner line permit (ILP) pek chhuahna ILP checkgate aṭanga ILP pekchhuah zat chu tla hniam hle in hei hi nikum September thla atanga Sairang Rail Station a rel a rawn luh tak vang ni a rin a ni.

Kan corr thudawn danin, kumin January aṭanga July thla, kum chanve chhunga ILP pekchhuah zawng zawng zat hi 17928 chauh niin heihi nikum lam nen tehkhin chuan a let in a tlem a ni.

Vairengte Sub-Divisional office ILP checkgate a duty te sawi danin, Sairang a rail rawn luh hma chuan thlakhat ah hian ILP 4000 aṭanga 5000 inkar te an siam ṭhin a, tunah chuan thlakhatah 3000 pawh an siam tlinh tawhlo a, hei hian kawngpui a motor hmanga Mizoram rawn lut aiin rail hmanga Mizoram a hnamdang rawn lut an tam zawk tawh tih a ti chiang niin an sawi.