17 July 2024: District Sainik Welfare & Resettlement Officer Lunglei, Pi Rebecca L.Chhakchhuak chuan Lungleia War Memorial awm chuan Lunglei khawpui a ti zahawmin a cheimawi tih Lunglei mipuite’n hre thar leh se a duh thu a sawi.
Vawiin khan District Sainik Office Lunglei buatsaihin War Memorial Chanmari Lunglei hmunhma thenfai hna thawh niin; Pi Rebecca L.Chhakchhuak chuan, Lungleia War Memorial chu Indopui pakhatna leh pahnihna a India ram tana an nunna hlantu Lunglei Dist chhung amite hriatrengna a ni tiin; ram tana nun hlantute hriatrengna hmun chu a zahawmna leh a hlutna thangtharten hre thara humhalh kawngah leh cheibawl kawngah neitu chan kan chan vek angai a ni, a ti.
Pi Rebecca L.Chhakchhuak chuan, kum 1977 a siam tawh Lungleia War Memorial chu mipui tam zawkten ngaihhlutna chang an hre tawklo chu pawi a tih thu leh khawpui timawi leh ti zahawmtu; War Memorial chu ngaipawimawh thar leh tura mitinten rilru thar pu se a duhthu a sawi.
