Webcasting enchhinna a hlawhtling

04^th Nov 2023: Addl. Chief Electoral Officer, Mizoram thuchhuahin a tarlan danin, Mizoram inthlanpui 2023 neihna turah inthlanna felfai leh langtlang a awm theih nana hmalakna pakhat atana ECI-in Polling Station awm zawng zawng atanga 50% tal Webcasting ti tura thupek a chhuah chu bawhzui a ni a.

Mizoramah chuan Polling Station 60% Polling Station awmzat 1,276 atanga 765-a vote thlaktute che vel zawng zawng lo thlir theihna tur Webcasting ti tura inbuatsaih mek a ni.

Nimin Nov ni 3, 2023 khan a enchhinna (Dry Run) ICT Conference Hall-ah Dy CEO leh Nodal Officer, Webcasting ni bawk Pu Henry C.Lalrawnkima hovin hlawhtling taka neih a ni.