Zotlang Zapui Zauva lo neitute buh leh thlai eichhetu Sazu turin an hrai

31 Oct 2025: District Agriculture Office Lungleia thawktute chuan vawiin khan Lunglei Zotlang Zapui Zauva lo neitute buh leh thlai eichhetu Sazu turin an hrai sak.

Lunglei Zotlang Zapui Zau-ah hian Zotlang MPACS member chhungkaw 24-te’n thlawhhma an la a, Sazu hian buh thahnem tak seh sakin Sazu seh bang buhte hi an seng zo tawh a. Tunah hian Sawhthing, Behlawi leh Bekang an chin te chu Sazu hian seh sak leh mekin thahnem tak a seh chhiat sak tawh avangin an mahni duh angin District Agriculture Office Lungleia DAO, Pu VL.Hmangaihchhunga leh a thawhpuiten vawiin khan kalchilhin; Sazu tur siam dan leh a hrai dan an zirtir bakah Sazu hrai hna hi loneitute nen an thawk nghal a ni.

Vawiina Zapui Zauva Sazu hrai hna an thawhnaah hian Mizorama Sazuin buh leh thlai a seh chhiat dan zirchianga local, Gauhati lam Journalist mi pahnihte pawh an tel a ni.