Khawthlangtuipui Group YMA Monitoring Committee, Tlabung Village Council leh Zodin Village Council-te ṭangkawp chuan August 29, 2023 khan National Highway 302 a ṭhat zawk theihna tura khawtlang anga vawi tam an lo au chhuak tawh ṭhin chunga an beisei rah ṭha hmuh tur a awm loh avangin kawngpui siam hnatlangpui an huaihawt.
He hnatlangpuiah hian mi 700 chuang an thawkchhuak a ni. Hnatlangpuiah hian Pawl, Dept leh Mimal-te’n lirthei an thawh a, mi thahnemngai engemawzat-te’n sum leh pai an thawh a. Khawpawn atangin Tuichawng Village Council leh Dinthar khawtlang te an thawkchhuak bawk niin thudawnna chuan a tarlang.
Hnatlangpui-a hun, tha leh zung, sum leh pai sengtute leh ralkhat atanga thlawptu zawng zawngte chungah Khawthlangtuipui Group YMA Monitoring Committee for NH 302, Tlabung Village Council, Zodin Village Council chuan lawmthu an sawi a ni.
