Mizo film thar kalphung danglam deuh fiamthu lam hawi ‘horror/comedy’ en tur a awm ta!

Tun hma deuha Lunglei lamchhuak film tha tak tak; Mission, House No 109, Cabin te lo buaipui tawh tute zing ami Johan Lalhmunmawia (JC Motion Pictures) siam ‘Kaphranga Fatlum Awitea – THE GHOST HUNTER’ chu 25th August khan Saikuti Hall, Lunglei-ah premiere/release a ni a. Hemi rual hian Lersia Play-ah lei theiha chhawpchhuah a ni zui nghal bawk.

He film-ah hian tunhnaia Mizo film hriat hlawh tak ‘Ka U Liana’ film-a changtunu ber Esther Hadasi Ralte, ‘Where’ film atanga mi hriat hlawh Elvis Ngurchungnunga bakah Youtube lama mi lawm hlawh tak Lalrozuala Chawngthu te chu a changtu langsar an ni a.

Anni bakah hian Zoram mipui hmelhriat lâr Mastea, RSP-i leh K.Vanlalawmpuia (Zabilha) te pawh an in lan a ni.

Thlahrang leh fiamthu inchawhpawlh karah hian Kohhran leh ram kalphung pawimawh tak tak tarlan tel a ni a, thla 10 zen zawn shooting na’n hian hun hman a ni.

Script hi Lalhlimpuia Pachuau ziah niin, Asst. Director hi David Zawma a ni a, Mawitea Chhangte leh Johan Pautu te chu Director of Photography an ni.