Excise & Narcotic Department Lunglei chuan August thla liamta khan thubuai 32 ziaklutin, thubuai kaihhnawihah mihring 43 an man bawk.
Thubuai an ziahluh zingah hian 9-te chu NDPS Act ’85 hnuaiah niin a bak 23-te chu MLP Act ’19 tlawhchhana thubuai ziahluh an ni. NDPS Act ’85 hnuaia thubuai kaihhnawihah hian mihring 13 manin, MLP Act ’19 bawhchhia mi 30 an man bawk.
Heng thubuai kaihnawiha mihring an man bakah hian ruihtheihthil chi hrang hrang hetiang hian an man bawk:- Heroin- gram 46·76, Rakzu- litre 434·66, Sap Zu ûm puitling- 2, ûm chanve- 1, Zu bilh lai- tin 3, Yeast- gram 178·82 leh Khuh damdawi- phial 3 te an man a ni.
