19 February 2024: Vawiin chhun khan Pu C.Lalthanmawia IPS Deputy Inspector General of Police Southern Range chuan MJA District Hqrs Lunglei-te a Office Chamber-ah lengah sawmin, thingpui inho pahin an inkawm. Pu C.Lalthanmawia IPS chuan chhim bial a Police dinhmun tlangpui leh Dan leh Thupek kenkawh dan tlangpuite sawiin, MJA member-te chu thawhhona tha tak neihpuiah a sawm a ni.
Pu C.Lalthanmawia IPS chuan, kumin 2024 chhungin Southern Range huam chhung District pali, Lunglei, Siaha, Lawngtlai leh Hnahthial-ah te thubuai 58 ziahluh anih tawh thu a sawi a, hetiangin- Murder – 4, Theft – 12, Burglary – 10, POCSO – 5, ND&PS – 3, MV Accident – 2 (fatal).
Pu C.Lalthanmawia IPS chuan, Southern Range dinhmun tlangpui tarlangin, Southern Range huam chhungah hian district pali – Lunglei, Siaha, Lawngtlai leh Hnahthial te bakah 2nd Bn MAP, Lunglei leh 3rd IR Bn Thingkah, Lawngtlai district te an awm a. Tun dinhmuna (Feb ni 19, 2024) Southern range huam chhunga Police awmzat hetiang a ni-
Lunglei – 214 (sanction strength 342, vacancy 128)
Siaha – 130 (sanction strength 262, vacancy 132)
Lawngtlai – 140 (sanction strength 227, vacancy 87)
Hnahthial – 71 (sanction strength 117, vacancy 46)
2nd Bn MAP – 579 (sanction strength 912, vacancy 333)
3rd IR Bn – 414 (sanction strength 911, vacancy 496)
Total – 1549 (sanction strength 2771, vacancy 1222)
DIG (SR) hnuaiah hian Police station 14, Out post 7 leh Beat post 1 a awm mek a ni.
Tun dinhmun (Feb ni 19, 2024)-a Southern Range huam chhunga Refugee awmzat hetiang hian Pu C.Lalthanmawia IPS chuan a tarlang bawk.
Lunglei – 2009 (Myanmar)
Siaha – 6044 (Myanmar)
Lawngtlai – 4243 (Myanmar) & 934 (Bangladesh) total 5177
Hnahthial – 1160 (Myanmar)
Total – 13456 (Myanmar) & 934 (Bangladesh).
