14 March 2024; Vawiin khan Mizoram State Policy Coordination Committee chu an Chairman Pu Lalduhoma, Chief Minister hovin CM Meeting Room-ah an thukhawm a, an hnathawh dan tur chi hrang hrangte an rel.
Chief Minister chuan, kan hnathawh ber tur chu Hand Holding Policy enkawl a ni a, concern department te hmalakna a tul angin kan enpui ang a, thurawn pek te leh hmalakna kal kawppui theih chi te, central lama Funding Source zawn belh thlengin kan thawk dawn a ni. Mithiam ber ber thlan khawm in ni a, hnathawh dan awlsam leh rang, rintlak si hmanga sawrkar policy pui ber hi kalpui tum ila theihtawp kan chhuah dawn nia, tiin member te a chah a ni.
Vice Chairman, Dr. KC Malsawmzauva, Adviser to CM ni bawk chuan hmalak dan tur an chhawp chhuah tlangpuite sawifiahna a nei hmasa a, chumi zawhah thil pawimawh hrang hrangte relin concern department turte an thlang fel a, a rang lama meeting neihpui ni se an ti.
Mizoram sawrkar hian Hand Holding Policy atan sawrkar kumthar budget ah Rs Vbch 200 a dah a, kumin hi Year of Consolidation a nih avangin Pilot Project angin kalpui phawt tur a ni.
