13 March 2024: Central YMA leh Mizoram Police ruahhmanna-in nizan-hmasa khan Mizoram pumah hnamdang ILP neilo te enfiahna hnatlang neih a ni a, ILP fello mi 1,187 an man.
ILP felhlel mi 62 Lunglei Police Station-ah hlan an ni a; Champhai PS-ah 40 bakah kum tling lo paruk, Saitual PS-ah 47, Serchhip PS-ah pali, Khawzawl PS-ah pali leh Mamit PS-ah panga an ni a; Aizawl khawpui chhunga PS hrang hrangah mi 1,065 hlan an ni bawk.
Mizorama hnamdang hnathawk, ILP neilo thahnem tak awm chu enfiah-a hma lak chhoh zel tul niin Central YMA chuan a hria tih tarlangin, ILP pekchhuah dan chungchang pawh enthat tul nia an hriat thu an tarlang bawk a ni.
