Kumin January – March 11, 2025 chhungin Fire & Emergency Service Department, Lunglei chu kang thelhin vawi 17 an che chhuak tawh.
Heng kang thelha an chet chhuahna te hi Bawlhhlawh paihna kangah vawi 5, Ramkangah vawi 11, Electric short avanga kangmei chhuakah vawi 1 te a ni.
Fire & Emergency Deptt Lunglei chuan hetiang hian ngenna an siam:-
Mitinte kangmei tichhuak lo turin fimkhur ila, khawi lo chhuahna/ram kalnaah te mei tichhuak lo turin fimkhur ila.
Kan in leh a velte fai takin vawng ila, kangmei chhuak thei a awm leh awm loh uluk takin endik thin tur a ni.
Electric wiring tha takin siam ila, electric hmanrua kan hmante off lohin kalsan loh tur a ni. Tin, eirawngbawl laiin hmun dangah kalsan loh, meichhemna thuk, vawk chawchhumna te hman zawhah tihmih theihnghilh loh tur a ni.
