08 March 2024: Vawiin khan Pi Esther Lalruatkimi, Commissioner & Secretary, Government of Mizoram chuan Health Care Pending Bills approved list-a beneficiary mi 11,046 te pawisa dawn tur cheque a tichhuak fel a, a amount chu Rs Vbch 39.26 a ni.
Cheques hi MRB-ah pek a ni dawn a, naktuk hi bank chawlh anih avangin karleh Thawhtanni atangin beneficiary-te account-ah a luh tan theih beisei a ni a, MRB lam pawh chak taka beneficiary-te account-a lo thun tura ngen an ni.
Heti hian tuna Health Care Bill la pek hmabak chu kumin February leh March bill chauh an ni tawh dawn a. Hei pawh hi sawrkar ruahmanna-a bawhzui (process) chhoh zel theih tawh dawn a, health care bill ba nei lovin sawrkar a kal chho ve dawn hnai a ni.
Nikum December ni 11-a sawrkar thuchhuah hmanga mipuite hriattir tawh angin, Chief Minister Pu Lalduhoma hova Finance Department thuneitute thukhawm chuan Health Care Bill ba pek atan Rs Vbch 40 a dah hrang a, vawiin khan cheque peih fel a lo ni ta a ni.
