In lama vote thlak thei tur kum 80 chung lam leh Vohbik 2,092 an awm

Election Commission of India thuchhuah hrang hrangte bawhzuiin Chief Electoral Officer, Mizoram chuan General Election to Mizoram Legislative Assembly, 2023 atana tul hrang hrangte chu Commission duh danin a bawhzui zel a, hmalaknate thenkhat chu hetiang a ni:-

#  Final Electoral Roll-in a tarlan danin Mizoram pumah mipa voter 4,13,062 awmin, hmeichhe voter 4,39,026 an awm a. Service voter 4,975 awm bawkin Mizoram puma vote nei zat chu 8,57,063 an ni.

#  Vote thlakna tur Polling Station 1,276 te ECI hriattir tawh a ni.

#  Vote thlak nia inthlan buaipui tur Polling Party 1470, Presiding Officer, First, Second leh Third Polling Officer-te tan District Election Officer-te ruahmannain training thawh khatna an zo fel a, tun dinhmunah inthlan duty tur indaih lohna a awm lo a ni.

#  Polling Station 1,276 zinga 765 ahte vote thlak lai webcasting ti tura ruahmanna siam a ni a. Hei hian Mizorama Polling Station awm zinga 60% a tling pha a ni.

#  Mizorama Assembly Constituency 40 ah in lama vote thlak ‘home voting’ thei turin kum 80 chung lam leh Vohbik, an vaiin mi 2,092 an awm.

#  Contesting Candidate 174 ten seat 40 an chuh dawn.

#  Inthlan vil tur hian ECI ruat General Observer 21, Expenditure Observer 14 leh Police Observer 11 ten Mizoram an thleng kim tawh a. An awmna District-ah theuh rokhawlhna awm lovin meeting leh a tul tul enpui hna an nei mek a ni.

#  Vote thlak hma ni leh vote thlak nia Offical-ten report an thawn zung zungna turin POLLSTAR app chu tha bera hriat niin hman tum a ni.

#  State Police personnel 3,000 bakah Central Armed Police Forces (CAPF) section 450 rawih tura ruahman atangin BSF Company 10, CRPF Company 5 leh SSB Company 5 ten Mizoram an lo thleng tawh.

#  Vote thlak nia Air Ambulance hman theih turin Pawan Hans Helicopter pakhat Mualpui Helipad-ah zing dar 7:00 atanga tlai dar 4:00 thleng duty tura ruahman a ni.

NGENNA: CEO Mizoram chuan inthlanna felfai, dik, muanawm, mi tin huapzo leh tel vek theihna hlimawm tak neih a nih theih nan inthlan kaihhnawiha che vel zawng zawngte, a bik takin Media mi leh sate tawiawmna a ngen a ni.