Lunglei Police te chuan kum 2023 chhung khan thubuai chi hrang hrang 248 ziaklutin heng thubuai kaihhnawihah hian bungrua Rs 27,72,082/- man hu an hmulet.
Lunglei Police-te hian an thubuai ziahluh 248 atang hian thubuai 190-te chu chingfelin Convict Case 98 an siam a, Court-ah mi 164 an thawn bawk a ni. An thubuai ziahluh kaihhnawihah hian Heroin No 4 Kg 4.92gram, tualchhung hralhna anga Rs Vbc. 1, Nuai 47, Sing 6, Sang 1, 197 man hu leh Sap Zu thahnem tak an man bawk a, heng bakah hian Traffic dan bawhchhia te atangin Rs 17,06,450/- an hmu bawk.
Nikum chhung khan mipuite nena thawhhona tha zawk neih theih dan tur leh Station Management chungchangah inzirtirna vawithum neiin, theihtawp an chhuahna zarah Inthlanpui leh Krismas leh Kumthar chu boruak muanawm tak hnuaiah Lunglei leh a chhehvel mipuiten an hmang thei a ni.
