July 2, 2024: Tukin zingkar khan Aizawl Zemabawk High School vengah chenna in pakhat chu leiminin a chhilh a, mi pathumin nunna an chan.
Thudawn danin, tukin zing dar 5:30 vel khan Zemabawk High School Venga Pu F.Lalrokima te chenna in chu leimin thawk thutin a chhilh a, an fate nupa, Pu Isak Chhangte (32) leh a nupui Pi Lalrinchhani (25) leh an fanu (4) Abigail Lalchhanhimi te chu leimin hian chhilhin, an vai hian nunna an chan a, chawhma dar 10:30 vel khan chhanchhuah hna thawktuten an ruang an lachhuak kim thei a ni.
Chhiatna a thlen lai hian Pu F.Lalrokima leh a nupui Pi Lalremruati leh an fate nen an vaiin mi 8 an awm a, vanneihthlak takin mi 5-te chu an him a ni.
Chhiatna thlenna hmun hi a dinhmun zirchiang turin, DC, Geology and Mining, DM&R, AMC leh Zemabawk Local Council chuan a huhovin joint inspection an nei nghal a ni. (DD)
