Tunlaia Lunglei District chhung hmun hrang hranga mobile phone ruk leh bo hluar em em chu Lunglei Police Station staff, Central Equipment Identity Register (CEIR) Team chuan an chhui a. Lunglei SP enpuina hnuaiah, team leader Addl SP Pu K.Beihmotaosa leh a hote chuan April ni 10, 2024 atang khan CEIR portal hmangin hma an la a, an hlawhtling chho hle.
April ni 23 thlengin CEIR team hian CEIR Portal hmangin mobile phone ruk leh bo 31 chu ‘block request’ an thawn tawh a, heng zinga hmuhlet tawh 11 atangin 9 chu a neitu dik takte hnenah hlan a ni tawh a ni.
