10 June 2024: Excise & Narcotics Department Lunglei chuan kumin January atanga June ni 10 thlengin Heroin No 4 Kg 2 leh a chanve chuang an man tawh tih sawiin Lungleia Excise department awm chinah Heroin man tam ber record a ni tawh an ti.
Pu Ngurchhuana, Asst Commissioner chuan Lungleia Excise Department a awm hnuah kumkhat chhungin Heroin Kg 2 man tlin a la awm ngailoh laiin kumin chhung bikah ringawt Kg 2 leh a chanve an man tawh a ti a, hetiang zat zat Heroin an man theihna tura kawng hrang hranga thawhpui thintute leh rim taka thawk thin Staff-te chungah lawm thu sawiin, March atanga May thla liamta chhung ringawta an man pawh tunlai Lunglei tualchhung hralhna angin Rs Nuai 60 chuang man a tling a ti.
