MSWC Chairperson ruat thar chu ruat anihna lehkha sut turin MSU Gen Hqrs-in thuneitute an ngen
18 April 2024: Dan-in kum a bithliah chin a phak tawh loh avang leh ruat anih danah induhsakna uchuak awm nia a lan avangin Mizoram State Women Commission Chairperson ruat thar Pi C Lalchhandami, Councillor AMC Ward III nilai chu ruat anihna lehkha sut turin Mizo Student Union, MSU General Headquarters chuan thuneitute an ngen tih an sawi.
Vawiina MSU Gen Hqrs. Pisa-a MSU hruaituten thuthar lakhawmtute an kawmnaah, MSU President Pu Samuel Zoramthanpuia chuan MSCW Chairperson ruat chungchangah, kumin March ni 8 khan Social Welfare Tribal Affairs, Women & Child Development Department-in hriattirna a tichhuak tih a sawi a. RTI kaltlanga chhanna an neihah Pi C.Lalchhandami hi kum 2016 March ni 31-a supernuation-a pension tawh tih leh he hriattirna chhuah anih atanga kum 3 chhung emaw kum 65 tlin hma emaw chhung office hna a chelh thei ang tih chu bawhchhiat a ni tih hriat anih thu sawiin, MSU President chuan Pi C.Lalchhandami chu a pension kum atanga chhutin kumin hi a kum 68-na tur a ni a ti a, heti chunga ruat a ni chu an hriatthiamloh thu leh dikna tun din nan a rang thei ang bera sut leh turin an ngen tih a sawi a ni. (DD)
