MZU Southern Campus leh Lunglei-a MPSC Exam Centre hawn chungchang  sawi

Vawiin Ni  15 December, 2023 (Zirtawpni) khan MZP Headquarters, Lunglei chuan kum 2023 atan Pisa kharna hun an hmang. He hun hi Johan Hmangaihzuala, Treasurer  MZP Hqrts Lungleiin  kaihruaiin, C Lallianmawia ECM-in hunserh a hmang.

Lalpeksanga Chenkual, President MZP Hqrts Lunglei chuan thu sawiin, Mizorama  Sorkar thar lo piang chu Sorkarna chelhtute a lawmpui thu a sawi a. MZU Southern Campus chungchanga hmalak mekna chu chak zawka hma la turin a ngen nghal a ni.

MPSC Exam Centre din tura MZP in hma a lo lak tawhna chu Sorkar tharah pawh hmalak chhunzawm zel a nih tur thu sawiin, chhim lam zirlaite tan awlsam leh senso tlem zawka an Exam-na hmun tur min ngaihtuah saka, Lunglei-a MPSC Exam Centre hawn sak thuai turin a ngen bawk a ni.

Marpara-a Chawlhbuk MZP-te’n an sak tur chungchang sawiin, hun lo kal zel turah Zofaten ramri hnaiha Chawlhbuk kan neih hi a pawimawh hle a. Marpara a Chawlhbuk sak tur MZP Hqrts hmalak mekna pawh a hmun te tihfel anih tawh thu leh kumthar lama hmalak nghal anih tur thu a sawi.

MZP Pisa hi kum 2023 atan khar ni mahse Zirlaite leh Ram leh hnam tan thawh chhuah a ngaih hunah chuan  MZP te an awm reng tur thu a sawi bawk. Pisa kharna hun hi chawhma lamah MZP Pisaah hman niin chawhnu lamah LDF park-ah intihhlimna hun an hmang a ni.