Vawiin ni 25 April, 2025 chawhma dar 11:30 khan MZP Hqrs Lunglei chuan Executive Emergency Meeting a ko a, ATL road siamna tur sum pawh pen dah let tura Sorkar ni 15 hun a pek chhungin engmah hmalakna a awmloh avangin MZP Hqrs Lunglei chuan ni 28 April, 2025 zing dar 7:00 aṭangin tiam chin awm lovin Pukpui daiah ATL road dan nise tiin a rel a ni.
MZP Hqrs Lunglei chuan Lunglei leh Chhim lam mipuite ṭawiawmna a ngen a, kan chanpual kan hmuh let leh theihna atana hma a laknaah MZP chuan mipuite thlawpna a dil nghal bawk a ni.
Kawng dan hian zirlai naupang exam te, fire leh medical & emergency services bakah tui phur motor te a huam lovang.
