Mizoram-a Lok Sabha MP Inthlanpuiah tlai dar 5:00 thleng khan vote 56.68% a tla
19 April 2024: Mizoram aiawha Lok Sabha-a thu tur thlanna nimina vote thlakah nimin tlai dar 5:00 thleng khan vote 56.68% a tla. Polling Station zawng zawngte hi khar vek tawh an ni a, chutih rualin tlai dar 5:00 a vote la thlak hman lo, polling area a awm hman si te vote hi chhiar tel loh erawh la awm thei a ni.
Mizoram Chief Electoral Officer Office-in an chhinchhiah dan chuan Aizawl District-ah tlai dar 5:00 thleng khan vote 53.13% a tla a, Lunglei-ah 57.44%; Siaha-ah 54.95%; Champhai-ah 56.38%; Kolasib-ah 56.97%; Serchhip District-ah 59.06%; Lawngtlai-ah 63.36%; Mamit-ah 63.22%; Khawzawl-ah 59.76%; Hnahthial-ah 55.88% tlain Saitual District-ah 53.31% a tla.
Ranking hetiang a ni:- 1st – Lawngtlai District, 2nd – Mamit, 3rd – Khawzawl, 4th – Lunglei, 5th – Serchhip, 6th – Champhai, 7th – Kolasib, 8th – Hnahthial, 9th – Siaha, 10th – Saitual, 11th – Aizawl.
Hriat theih chinah Pu Thanglianhluma, kum 104 Lawngtlai College veng South chu vote thlak zinga upa ber a ni a. Champhai District Ruantlanga voter Pu Rualhnudala kum 102 leh a nupui Pi Thanghleithluaii, kum 88 te chu nupaa vote thlak upa ber nia hriat an ni.
