Zokhawthara India leh Myanmar inkalpawhna lei khar hawn phutin mipui an pungkhawm
20 April 2024: Nimin tlai dar 5:00 vel khan Zokhawthara India leh Myanmar inkalpawhna lei khar tak hawn phutin mipui an pungkhawm.
Thudawn danin ramri-a khua pahnih Zokhawthar leh Myanmar lamah hian mipui an pungkhawm ve ve a, hun engemaw chena lei khar tawh chu hawn leh an phut a, Assam Rifles hnen atanga thudawn danin he punkhawmna ah hian buaina tenau chhuakin Gate kharna erawh hawn a ni lo a ni.
Tunhnaia Mizoram a tlawhnaah Union Finance Minister Nirmala Sitharaman chuan Free Movement Regime chu ram venhimna a pawimawh hmasak avangin tih tawp rih a ni a ti a, External Affairs Minister S, Jaishankara’n April ni 11-a Mizoram a rawn tlawhna ah Free Movement Regime an tihtawp nachhan chu India ram himna an ngaih pawimawh hmasak vang a ni a ti a, thenawm ram a buai rih avangin dan phalloh thil a rawn lut nasa hle tih sawiin ram himna tur anih avangin FMR chu tih tawp rih a ngai a, mipui hriatthiamna an ngen tih sawiin; thenawm ram buaina chuan ngai awh se tihtawp kher a ngaih a ringlo tih a sawi bawk. (AIR)
