Aadhaar Operator ni a inchhal kal kual thinte laka fimkhur turin Bawrhsap-in hriattirna a chhuah
Lunglei Bawrhsap-in ‘Hriattirna’ a chhuah danin, tunlai hian DC Office, Lunglei (Aadhaar Branch) khar ang leh office atanga tirh anga insawiin, Aadhaar enrollment ti turin khaw hrang hrangah DC Office, Lunglei hnuaia Aadhaar Operator ni a inchhalte an kal kual thin tih hriat a ni a. DC Office, Lunglei chuan tunlai tak hian Aadhaar Operator-te an fehchhuah tir lova, an tirhte chu detailment order mumal tak pek thin an ni bawk.
Lunglei District huamchhunga mipui zawng zawngte fimkhur tura ngen leh hriattir an ni a, Aadhaar enrolment buaipui tura DC Office tirh anga insawi an awm anih chuan an detailment order, ID card leh anmahni thla lo la a, a rang thei ang bera DC Office hriattir tura ngen an ni. Whatsapp hmangin Phone No 9436768944 leh 9863355835 ah te zawhfiah theih a ni e. Tin, DC Office, Lunglei (Aadhaar Branch) hi office hun chhungin dawr theih reng an ni bawk.
Tunlai hian Aadhaar enrollment ti turin khaw hrang hrangah DC Office, Lunglei hnuaia Aadhaar Operator ni a inchhalte an kal kual thin tih hriat anih avangin Bawrhsap chuan fimkhur turin mipuite a ngen.
