05 Sept 2024: MNF Thalaite chu vawiin hian Aizawl khawpui chhung kawng chhe lai siamin an hnatlang.
Kawngsiam hnatlang bultanna VanapaHall kawta neihah MNF Gen Hqrs Treasurer Pu Lalruatkima chuan kawng chhiat lutuk avanga mipui leh lirthei khalhtute thlavang hauha, kawng siamtha thuai tura sorkar muthlu kaihthawhna tura Aizawl khawpui hmun lun laiah MNF thalai bultuma kawngchhe siam hnatlang koh a ngai ta chu pawi a tih thu a sawi.
Pu Lalruatkima chuan MNF sorkar laiin kawng a tha thin tih sawiin, mi kawng siam sa pawh thawmtha thei lo kalphung thar kan nei hi a vanduaithlak hle a ni, a ti a, Zoramin ruahsur nasa avanga chhiatna hrang hrang a tawh mek laiin Chief Minister ber chuan sap ramah nuam a tawl mek nia mipuiin an hriat thu a sawi bawk a ni. MNF Thalaite hian Canteen kual atangin kawngchhe lai siam hian an hnatlang tan a, kawng khuarah hian rora leh bitumen pawlhin road roller hmangin an chilh muk leh a ni. (DD)
