Area Baptist Council Rorel leh Inkhawmpui

Mizoram Baptist Kohhran – Area Baptist Council (ABC) Rorel leh Inkhawmpui chu November 24 – 26, 2023 chhung hian ABC 17-ah neih a ni dawn a. Zanin, November 24, zirtawp zan atangin Inkhawmpui hi tanin, Inrinni nilengin ABC Rorelna neih a ni ang, ABC Executive Committee thute bakah Pastor Bial atanga Agenda lut te, ABC kal tlanga Assembly 2024-a thlen tura chhawpchhuah te ngaihtuah a ni ang.

Nov ni 26 Pathianni chawhma inkhawm chu ABC hrang hranga Kohhran Upa nemngheh inkhawm (Ordination Service)-ah hman a ni dawn a, kuminah hian BCM pumpuiah Kohhran Upa atan mi 206 nemngheh tur an awm a ni.