21Aug 2025: Vawiin khan Mizoram Baptist Kohhran Rorelna sang ber Assembly Executive Committee meeting ni khat awh neih a ni.
Meeting hi BCM President, Rev.Dr.C.Vanlaldika’n kaihruaiin, General Secretary Rev.Dr.H.Lalthlamuana hnen atangin Assembly thurel umzui dan report ngaihthlak a ni.
General Secretary report-in a tarlan danin, Falkawna BCM Khualbuk (Guest House) sak tumna bawhzui mek a nih thu te, Fa nei tam tura inzirtirna hmalak dan turte, Mizo tawng dik leh Mizo tawng hman uar kawnga hmalakna tur District headquarters tina Seminar buatsaih tum a nih thu te, Eirukna tibo tura hmalakna tur ruahmanna te, Recognise Evangelist Team 59 an nih tawh thu te leh Pastoral Ministry Department Committee-in Pastor Bial term kum 3 ni thin chu kum 5 vek ni tawh tura a rel thu te ngaihthlak a ni.
Thurel thenkhat- BCM in Constitution a hman mek hi kum nga danah chauh siamthat (amend) theih a ni ang tih chu a kum bi tlin hun engtik nge ni ang tih sawi hovin, kum 2026 Assembly-ah chuan Amendment hi ngaihtuah theih tawh tura thu dah a ni. BCM Communications Department-in LPS leh ZONET Cable TV a Khawnvar channel a tihchhuah thin chu titawp tura hmalak nise tha tih a ni bawk.
