02 May 2024: Vawiin hi Mizoram Baptist Kohhran [BCM] nî pawimawh pakhat Baptist Kohhran Hmeichhe Pawl (BKHP) din champhaphak vawi 86-na a ni a; BKHP Unit hrang hrangte chuan an remchan danin he nî pual hian hun an hmang.
MBKHP chuan he nî hi khawtlang tana mi tangkai ni tura inzirtirna leh thil tha tih nana hmang uar tura BKHP Unit te a ngen angin Unit tam ber chuan zingkarah leh chhun lamah khawtlang tana thil tha tih nan hmangin, mahni awmna veng leh a chhehvel tihfai hnatlang an nei a; Unit thenkhat awmni khama Biakin lama hun hmanga ruai nena BKHP Day hi lawm an awm bawk.
Unit tam ber chuan zanin khan BKHP din champha pual hian inkhawm an buatsaih a, MBKHP atanga thupui ruatsa ‘Tho la, i Pathian ko rawh’ tih hmangin Pathian thuchah an ngaihthla a ni. MBKHP hruaitute pawh Unit hrang hrangah sawmna an hmuh angin BKHP Day hmanpui hian an kalchhuak bawk. Tun dinhmunah BCM hnuaia BKHP-te hi Pastor Bial 92-ah Unit 462 an awm a; member 34,304 an awm mek a ni.
