Burma Sumdawng, Vai Thirchhe zawng leh Cooker leh Gas siam te veivah phal hun bituk sak
Ni 11 April, 2025-a Lunglei Local Council Assn. Executive Meeting chuan kan unau Myanmar raltlante leh mipuite kan him zawk theih nan, Lunglei khawpui chhungah Myanmar raltlan te Ni 15 April, 2025 atangin zan dar 9:00 hnulamah pawn chhuak lo turin an inhriattir a, engemaw avanga chhuah ngai an awm chuan, mahni Veng Local Council Chairman emaw Secy hnenah emaw inhriattir tur a ni an ti.
Raltlan-ten Raltlan ID neih vek tur a ni a, Raltlana lo kal te Local Council hriattir hmasa lova Vengchhungah In luah ve tawp phal a ni lo va, inluah tur neite pawh kan inhriattir a ni, an ti.
Ni 15 April, 2025 atangin Lunglei Khawpui chhungah Inrinni leh sorkar Holiday-ah chauh Burma sumdawng, Vai thirchhe zawng, Gas leh Cooker siam te teikual phal sak an ni an ti bawk. Khawtlang mipuite pawh hei hi lo hriat sak a, rawn sumdawng an awm pawhin tha taka hrilh a hawtir zel turin Lunglei Local Council Association Executive Meeting chuan a ngen a ni.
