04 March 2024: Tukin khan Pu Donny Lalruatsanga, CEO, LMC, leh Lunglei Traffic i/c ten LMC Area chhunga lirthei che vel te a felfai zawk theih nan Parking Area hmanlai te tun aia mumal zawka kalpui anih theih nan a hmunah kalin an enfiah.
Lunglei khawpui thang chho mek zelah lirthei Park-na te tun aia mumal zawk leh him zawka siam anih theih nan hmalak chhoh mek zel niin, LMC Area chhunga parking zone neih hrang hrangte siam danglam that hret hret tum a ni.
Parking zone enfiah hi Chanmari Children Park bul atanga tanin Venglai Police Station chhak thleng en niin, LMC Area chhunga Parking Zone hrang hrangte tunkar chhunga en zawh leh teh that vek hman an tum a ni.
