02 March 2024: Vawiin chawhma dar 11:00 khan Lunglei Science Centre Auditorium, Zohnuai-ah National Science Day, 2024 lawmna hun hman a ni a, he hun hi Lunglei Science Centre (LSC) leh Mizoram Science Technology and Innovation Council (MISTIC) te tangkawpin a buatsaih a ni. Lunglei Government College, Department of Chemistry zirlai naupangte bakah Jawahar Navodaya Vidyalaya School, Pukpui naupangte nen hman a ni.
‘Science with fun’ tih thupui hmangin vawiin programme hi hman a ni a. He hun hi Pu Lalrammawia, Curator, Lunglei Science Centre chuan a kaihruai a, kalkhawmte lawmna thu sawiin hun hlimawm tak hmang turin duhsakna a hlan a. Dr.Joseph Lianbuanga, Assistant Professor, Department of Chemistry, Lunglei Government College chu Resource Person niin, Science zir hi thil nuam leh hlimawm tak a nih thu a sawi a. Thangthar zawkte pawhin Science zirna hi kan uar chhoh deuh deuh a tul thusawiin; khawvel hnam changkang leh ram changkang kan tih te hi Science & Technology a ram hmasawnte vek an nih thu te a sawi a ni. National Science Day hi kumtinin, February Ni 28 hian India ram pumpuiah Dr. CV. Raman-an Raman Effect a hmuhchhuahna ni denchhen a hman thin a ni a.
Kumin hian ‘Indigenous Technology for Vikshit Bharat’ tih thupui a hmangin India ram pumpuiah hmalak mek a ni a, chutih rual chuan sub-theme hrang hrang nei a hun hmangin, India rampui puia hmalak mek a ni bawk a ni. Mizoramah chuan a lawmna pui ber hi 28th February, 2024 khan, Innovation facility Centre,MINECO, Aizawlah neih a ni a. District hrang hrangah thupui then hrang hrang hmangin programme hman chhoh mek niin; 3rd March, 2024 thleng hian India ram hmun hrang hrangah a lawmna hun hi buatsaih tum a ni.
