03 July 2024: Vawiin chawhma dar 10:00 khan Lunglei Farm Veng Community Hall-ah Mission Foundation Movement (MFM) bul tumin chhungkaw harsate chhawmdawl nan Ar Note semna hun hman a ni a, Social Welfare Department Minister Pi Lalrinpuii chuan khuallian niin hun hmanpui.
Minister Pi Lalrinpuii chuan, an thil dawn chu bei tham hlein lang mahse ṭangkai taka hmang zui thiam se a duh thu sawiin, beneficiary-te’n rinawm tak leh taima taka hma an lak a, an hlawhtlinpui anih chuan midang tam zawkin an dawn belh theihna tur kawngte pawh a inhawn zel a beisei thu a sawi.
Pu Lalramchuanzela, Member, Mizoram Youth Commission leh Executive Director, Mission Foundation Movement chuan report pein, Lunglei District chhung thingtlang khaw 13 leh Lunglei khawpui veng pali-a chhungkaw 70 te hnenah Ar Note 15 theuh leh a chaw semchhuah a nih thu a tarlang.
Vawiin Ar Note semnaah hian Minister hi Pu K.Lalrinawma, Vice Chairman, Lunglei Municipal Council leh a thawhpui Councillor te, ZPM Sub Hqrs Lunglei hruaitute bakah Lunglei East Block ZPM hruaitute’n an tawiawm a ni.
