30 Aug 2024: Chief Minister Pu Lalduhoma chuan vawiin khan USA panin Aizawl a chhuahsan. Ruahman ang chuan naktuk Inrinni khian New York a thleng ang.
US-ah hian Maryland-a Mizo Day-ah khuallian a ni ang a, Washington DC-ah US State Department Official te nen meeting an nei ang a, Indianapolis-ah hun a hmang bawk ang.
Chief Minister US zin hi Ministry of External Affairs, Government of India hriatpuinaa ruahman a ni a. US an thlen veleh Consul General of India lamin an lo hmuak ang a, a cham chhunga security an ruahmansak bakah a tul angin a programme-ah an tawiawm zel ang.
Chief Minister hi a nupui Pi Liansailovi, a tunu Zodinthari (Numami) leh Pu Jonathan Lalremruata, OSD to CM ten an tawiawm a. An senso zawng zawng hi US atanga sawmtuten an tumsak dawn a ni.
