Councillor thahnemngaihnain NH kawng chhe lai thawm tha

31 July 2026: LMC Ward No-VIII Councillor Pi Malsawmkimi Khawlhring (Nute-i) thahnemngai hmalaknain, vawiin khan a bial chhung Ramtharveng, AOC bula National Highway kawng chhelai chu Ramthar Local Council member-te nen tanghoin; thawmthat hna an thawk.

Helai kawmg hi National Highway NHIDCL kuta awm niin, mipui leh zin veivakte tana kawng pawimawh leh lun tak a ni. Fur khawcheng avanga chhia/khuarte thawmthat a ngaih hle tawh laiin NHIDCL lam atanga thawmthat hna kalpui mai anih loh avangin, mipui leh zin veivakte’n harsatna nasa zawk an tawh ai chuan tiin, Ward Councillor Pi Malsawmkimi (Nute-i) chuan tlawmngaih chhuahin, Local Council-te thawhhopuina nen kawng chhelai thawmthat hna hi thawh a ni.

Ward Councillor Pi Nutei chuan mipuite harsatna hriatpuia kawng chhelai thawmthat hna thawhpuitu Ramthar Local Council member-te chungah lawmthu a sawi a. A ward chhungah mipuite tana harsatna thlen thei thil chu a ngaihpawimawh ber pakhat anih avangin, a theihna zawnah theihtawpa hmalakpui zel a tum thu a sawi bawk.