07 Dec 2023: MNYF, Lunglei South Block chuan thuchhuah siamin, Dt.4.12.2023 MLA Gen.Election Vote chhiar zan khan Lunglei South A/C MNF Official Candidate Dr.K.Pachhunga Ex-MLA chu ZPM Workers inti pahnih ZPM Nghaka Phone No.8787668287 leh mipa khat (A Phone No.lo delete palh) te chuan diriam takin elsen khumin a nuna atana hlauhawm khawpin an vau thu leh MNYF Lunglei South Block chuan thalo ti-a an duh loh takzet thu an sawi.
Dr.K.Pachhunga hi mithiam leh fel, mi inngaitlawm, mi dik leh eiruk duh ngai lo, Lunglei South bial tana hnathawk tha em em, miretheite hmangaih em em tu a ni, an ti a. A thlavang hauh tur leh ZPM Worker-te laka amah venghim tur hian Lunglei South Block MNF thalaite an inring reng tih an sawi.
Dr.K.Pachhunga Ex-MLA hian amah vautu ZPM Worker inti pahnih hi Pathian hminga a ngaihdam thu leh MNYF Lunglei South Block chuan ropui a tih thu sawiin, hetiang a Politics vanga mihring nunna atana hlauhawm khawpa in vau hi Zoram Politics-ah a la thlen ngai loh thu leh thleng nawn tawh lo se an duh thu an sawi a ni.
