12 April 2024: State Designated Agency for Energy Conservation, Electrical Inspectorate, P&E Department buatsaihin ni hnih awh tur Electric Vehicle Roadshow chu vawiin atang khan Millennium Centre tualzawlah tan a ni.
Electric hmang lirthei Mizorama tih larna tur Electric Vehicle Roadshow hi naktuk thleng neih a ni dawn a, vawiina hun hmanah hian P&E Department Joint Secretary Er. Thanglura Sailo chu khuallian niin Sorkar laipui hmalaknain India ramah nasa takin Electric hmang lirthei siam chhuah kawngah hma lak mek a ni tih a sawi a, Mizoramah pawh hun reilote chhungin electric hmang lirthei eng emawzat a awm ve ta tih leh heng lirtheite hian oil an hman ve loh avangin oil renchemna tangkai leh tha tak anih piah lamah air leh noise pollution pawh nasa takin a titlahniam thei tih a sawi.
Roadshow hi P&E Department Chief Electrical Inspector Er. R.L. Muanpuii pawhin a telpui a, Mizoram a Electric hmang lirthei zuar- lirthei ke pahnih nei bikah bikah Ather, MST Motor leh TVS ten an electric scooter te pho chhuak a, CK Hyundai ten an Electric Motor (le pali nei) an chhawp chhuak bawk a ni. (DD)
