10 Oct 2024 : Rs 33,85,832 senna Department of Science & Technology, Govt. of India hnuaia Scientific Research Project funding atanga din Lunglei Govt. College a Geotechnical Laboratory chu Pu R.Lalrosanga, former Director, Higher & Technical Education Department chuan vawiin khan a hawng.
Geotechnical Laboratory hawn tharah hian hmanrua leh tul hrang hrang a awm bakah, Hydrogeological equipments te pawh dah nghal a ni a. Laboratory hawngtu Pu R.Lalrosanga chuan Geotechnical Laboratory din a ni ta chu Mizoram chhim lam tan hmasawnna nasa tak anih thu sawiin; zirlaiten tangkai tak leh hlawk taka an hman a duh thu a sawi a ni.
He scientific research project hi Dr.Malsawmtluanga, Assistant Professor, Department of Geology leh Project Principal Investigator ni bawk kal tlanga hmuh niin, Dr Malsawmtluanga hnen atang hian research funding hmuh a nih dan leh laboratory khawl hrang hrang nih phung chungchang sawifiahna hun hman a ni a, Project JRF, Pu HC Vanlalawmpuia’n demonstration a nei nghal bawk.
India rama College leh University-te endiktu NAAC hnuaia Assessment Cycle kal mekah, Lunglei Govt College-ah hian scientific research funding project 3 hmuh tawh a ni.
