20 March 2025: Tukin dar 4:30 khan Lunglei Police DSB Staff te chuan Salem veng Lungleiah Santro Car MZ04A/2304 atangin Heroin No 4 Hawng 24 tualchhung hralhna rate a Rs Nuai 8 chuang man hu leh a neitu nia inchhal mi 4 an man.
Lunglei Police-in an man te chu, K.Lalchhanhima (63) S/o Rammawia (L) Durtlang Aizawl nia inchhal, Lalhriattluanga (30) S/o Vanthanga Falam Myanmar nia inchhal, Lallianmawia (36) S/o Roneiha (L) Leilet Myanmar nia inchhal te bakah an mahni lo puibawmtu Lalhmingliani (46) Zotlang Lunglei nia inchhal te an ni a, Lunglei Police Station-ah thubuai siam sak an ni.
Heng Ruihhlo te hi Lungleia hralh tur niin Lunglei Police DSB Staff-te chuan an sawi.
