Hnamdang enkawl leh thawhna Petrol pump khar tum thulh

16 Sept 2026: Mizo Zirlai Pawl (MZP) General Hqrs chuan thuchhuah siamin, September 17, 2026 atanga Mizoram chhunga hnamdang enkawl leh hnamdangte thawhna Petrol pump khar tura MZP Headquarters, Sub-Headquarters, Branch leh Hnampual zirlai pawl a an thawhpuite hnena hriattirna MZP-in a lo tihchhuah tawh chu, Mizoram Sawrkar ngenna avang leh mipuite hmakhaw ngai chungin tihtawp rih a nih thu an sawi. Heng hnamdang pump enkawlte chungchangah hian MZP chuan a tul angin hma ala la chhunzawm zel dawn tih an sawi.

MZP chuan, Mizo mipuite chu sum leh paia hlawkna ringawt um lova, kan ram himna leh kan hnam damna tur atan kan hming leh ram te hnamdang hawh tira sumdawnna atan hman tir lo turin an ngen tih an sawi a. A tul anga dapchhuah kawngah Zoram mipuite thawhpuiah sawmin, abik takin Village/Local Council leh tlawmngai pawl hrang hrangte a sawmin an ngen tih an tarlang a, sumdawnna atana mahni hming hawh tir mekte chu ram leh hnam a lo him zawk theih nan hnamdang an thawhpuina titawp vek turin MZP chuan an ngen tih an sawi.