26 Feb 2024: Nizan dar 11:30 vel khan Lunglei Electric Venga Pu PC Lallawmkima in luahlai chu bungrua engmah chuh hman lohin a kang ral a, in neitu hi kang telin a thi a ni.
In kan lai vel hian Pu Lallawmkima nupui fanaute hi an len chhuah lai a ni a, Pu Lallawmkima hian amaha in nghakin choka lamah mei a chhem a, a bulhnaiah hian Gas bur leh a thuk awm bawkin a mutthluk san hnu hian mei leh Gas te chu a inmankai nia an rin thu Electric veng YMA hruaitute chuan an sawi a, vanduaithlak takin In neitu Pu Lallawmkima hi kang telin a boral zui a ni.
Pu PC Lallawmkima ruang hi Pu H Zahranga te inah lak niin post mortem anih hnuah vawiin chhun khan Electric veng thlanmualah vui liam nghal a ni a, Pu Lawmkima hian a nupui leh a fate pahnih a kalsan a ni.
